Në Prizrenin historik të shqiptarëve, kryeministri i Shqipërisë, Sali Berisha, kryetarja e Kosovës, Atifete Jahjaga, kryeministri, Hashim Thaçi dhe zyrtarë arsimorë nga Kosova dhe Shqipëria morën pjesë në përurimin e Abetares së përbashkët për dy shtetet shqiptare, Shqipërinë dhe Kosovën. Kryeministri Berisha  e cilësoi abetaren e përbashkët si kryevepër të dijes, e cila  i dhurohet kombit shqiptar. Ndërsa kryeministri i Kosovës, Hashim Thaçi e konsideroi këtë si ditë historikë për kombin shqiptar. Kjo është arritje historike, është abetarja e parë e përbashkët për Shqipërinë dhe Kosovën. Jo rastësisht jemi mbledhur  në Prizren. Por shpirtërisht shqiptarët kudo që jetojnë janë me ne, janë në Prizren për abetaren e përbashkët. Jemi mbledhur në kryeqytetin shpirtëror të shqiptarëve, në qytetin e mesazhit historik dhe të drejtë për bashkimin në një shtet të vetëm të Shqipërisë dhe Kosovës. Sot po promovojmë Abetaren e përbashkët. Kjo është fitore për të gjithë shqiptarët, që mund ta arrijë vetëm një popull i qytetëruar”, tha mes tjerash kryeministri, Thaçi.>>>

Zyrtarë të policisë së Serbisë kanë bërë të ditur se , është shtënë me refale automatiku mbi punktin policor, në fshatin Dobrosin të komunës së Bujanocit. Sulmi mbi policinë, është kualifikuar si  akt terrorist”, ka thënë zëdhënësi i policisë së Vranjës, Dragan Stamenkoviq, duke shtuar se në këto momente nuk është në gjendje të komunikojë të dhënë të tjera për këtë sulm. Fshati Dobrosin, në të cilin ndodhet punkti kontrollues serb, në drejtim të Kosovës, ndodhet 16 kilometrat në jugperëndim të Bujanocit. Pas sulmit në punktin policor,  ka reaguar ministri i Punëve të Brendshme i Serbisë,  Ivica Daçiq. Ai ka thënë se disa shqiptarë nga pjesa e Kosovës kanë kryer sulm ndaj repartit të policisë në Dobrosin. Sipas tij ky sulm  është një shembull drastik i thyerjes së marrëveshjes me bashkësinë ndërkombëtare dhe një dëshmi se sa është rrezikuar paqja dhe siguria. Nuk do të rrimë të qetë kur dikush sulmon policët në Serbi përtej linjës administrative... Ne po bëjmë punën tonë ashtu siç e kemi bërë deri tani. Presim reagime të zyrtarëve ndërkombëtarë në lidhje me këtë incident" ka thënë Daçiq.

Mersim Katuçi nga Gurra e Matit, në Shqipëri po mundohet që fill i vetëm, pa përkrahje të shtetit, por edhe pa përkrahje konkrete të UÇK-së, ta ruajë nderin e shtëpisë, të vëllait e të mikut, sipas traditës shqiptare. Ai ka kundërshtuar fuqishëm pretendimet e EULEX-it për të rihapur çështjen e ashtuquajtur “Shtëpia e verdhë” ku pro serbi i dëshmuar, Dik Marti ka hapur dyshime se gjoja gjatë luftës është bërë trafikimi i organeve të serbëve nga luftëtarët e UÇK-së. I mllefosur me këto shpifje e gënjeshtra, por edhe me përpjekjet që kanë bërë disa hetues ndërkombëtarë për të lënë tinëz në shtëpi eshtra njerëzish, i zoti i shtëpisë, Mersim Katuçi ka marrë qëndrim ta kushtëzojë fillimin e hetimeve nga EULEX-i, pasi t' i jetë paguar dëmi moral që i është shkaktuar kësaj familjeje. >>>

Trembëdhjetë vjet më parë, veprimtari dhe idealisti i mirënjohur i kombit, Ukshin Hoti, ishte liruar nga Burgu i Dubravës, por pas daljes prej andej, i humbi çdo gjurmë. Shokët e tij të burgut, të cilët kanë shpëtuar nga masakra në Dubravës, dëshmojnë se Ukshin Hotin e kanë nxjerrë nga burgu gardianët, por prej asaj dite e deri sot nuk dihet më për fatin e tij. Përpjekjet e familjarëve dhe të miqve për ta zbardhur fatin e tij, nuk kanë dhënë rezultat, ndërsa institucionet e Kosovës nuk kanë treguar ndonjë angazhim serioz në këtë drejtim. Veprimtari sypatrembur, Ukshin Hoti, i njohur për maksimën e tij revolucionare, “Bëje, ose vdis”! me qëndrimin e tij burrëror, vizionin largpamës politik, ka ushtruar ndikim meritor te pjesa militante atdhetare, e cila u hodh në barrikadat e luftës çlirimtare kundër robërisë dhe pushtimit serb. Në 13-vjetorin e zhdukjes, shtëpia e Ukshin Hotit është bërë  “Shtëpi Muze”. Po kështu studentët e Universitetit të Prizrenit kërkojnë  me të drejtë që ky universitet të mbajë emrin, Ukshin Hoti.>>>

Raportuesja për Kosovën në Parlamentin Evropian, Ulrike Lunaçek, ka konstatuar  se Bashkimi Evropian po vonohet në përmbushjen e premtimeve që i ka dhënë Kosovës, për lëshimet që ka bërë në bisedime me Serbinë. Zonja, Lunaçek ka deklaruar për mediet e Kosovës se disa shtete të Bashkimit Evropian, të cilat që e kanë njohur pavarësinë e Kosovës, janë ato që po e ngadalësojnë procesin që Kosova ta marrë udhërrëfyesin për liberalizimin e vizave.

Ministria e Punëve të Brendshme e Qeverisë së Maqedonisë, për vrasjen e pesë sllavo-maqedonasve i fajësoi “islamistët radikalë” - shqiptarë. Me këtë konstatim, kryeministri maqedonas - Nikolla Gruevski dhe VMRO-ja e tij, duan t’i tregojnë botës se: çështja shqiptare në Maqedoni, nuk është çështje kombëtare, por fetare; se shqiptarët janë përçues të interesit lindor – turk, iranian dhe arab; se shqiptarët i sjellin në gadishull dhe në Europën e krishterë vlerat islamike. Ky është thelbi i deklaratës së sipërthënë të qeveritarëve të qeverisë maqedonase. Se çështja shqiptare në Maqedoni dhe në rajon, nuk është kauzë kombëtare, por fetare, Gruevski dhe VMRO-ja “e argumentojnë” para botës, me këto teza të shpifura:>>>

Romani i  Adem Demaçit, “ Dashuria Kuantike e Filanit” është roman tipik i personazhit si për nga modelimi i kompozicionit artistik ashtu edhe nga përmbajtja që trajton, në evokim të së kaluarës. Diskursi modern i komunikimit i akordon rrëfimit të dramës jetësore përmes kujtimeve, duke i shkrirë këto dy segmente në tërësinë e rrëfimit të thjeshtë, të çiltër, gjithnjë realist në përshkrimin e situatave duke e dimensionuar ngjarjen me elemente të reja narracioni. Kjo mënyrë e qasjes artistike, konsideroj se  ka qenë përzgjedhja më e mirë për të komunikuar me lexuesin, dhe në këtë drejtim Demaçi ka treguar se e njeh dhe i përcjellë me vëmendje të arriturat letrare e artistike bashkëkohore. >>>

Në fillim ishte kryeministri Berisha që deklaroi në Turqi se miliona turq kanë gjak shqiptari, se turqit I kanë dashur shumë femrat shqiptare. Pas Berishës, ishte Topalli që deklaroi se ne Turqi ka miliona turq me origjinë shqiptare. Dhe solli si shembull, praninë e disa deputetëve turq me origjinë shqiptare. Po pastaj? Pastaj janë edhe 3 milionë grekë që kanë gjak shqiptari. (Shumë e japin  si një shifër krenarie, se në Greqi jetojnë 3 milionë arvanitas. Doemthënë 3 milionë grekë  me origjinë shqiptare. Shifrat e mësipërme janë pjesë e propagandës por edhe e disa studimeve.>>>