Nga deklarata që ka lëshuar për opinion Qeveria e Kosovës, lidhur me modifikimin e projektrezolutës së Serbisë hetohet se kreu i vendit  është mjaft i dëshpëruar, por nuk e pranon këtë fakt, meqë kompromisi i arritur në projektrezolutën e  Serbisë, anashkalon permendjen në tekstin e saj të pavarësisë e Kosovës. Nuk është kjo hera e parë që në procese të tilla, ndërmjetësuese, si Prishtina zyrtare ashtu edhe Beogradi i kanë bërë dhe vazhdojnë t’ i bëjnë qejfin vetes.  Politika e Beogradit e cila vazhdimisht është imponuese dhe agresive ka përfituar në përmbajtjen e rezolutës, me fatin se duke kushtëzuar mospranimin e pavarësisë së Kosovës, ajo ka fituar të drejtën për rifillimin e negociatave, të cilat sipas të gjitha gjasave do ta prekin edhe statusin politik të Kosovës, meqë bëhet fjalë për krijimin e një autonomie speciale për komunat e veriut të Kosovës dhe lidhjen vertikale e horizontale të enklavave serbe me Beogradin, sipas planit të Ahtisarit. 

Partitë politike serbe me vlerësime të ndryshme për ndryshimin e projekt-rezolutës

Partitë politike të Serbisë kanë dhënë vlerësime të ndryshme për ndryshimin e projekt-rezolutës së Beogradit, e cila më pare bënte thirrje për rinisjen e negociatave edhe për statusin e Kosovës. Pas ndryshimit të tekstit të projektrezolutës, drejtues të partive politike serbe kanë dhënë vlerësime të kundërta, disa duke e vlerësuar këtë si kapitullim të Serbisë, ndërsa disa si  shpëtim të saj pasi me këtë hap Beogradi i është shmangur konfliktit të drejtpërdrejt me perëndimin. Nënkryetari i Partisë Demokratike të Serbisë, Slobodan Samargjiq, ka deklaruar se pranimi i kryetarit  dhe qeverisë së Serbisë për ta ndryshuar projektrezolutën mbi Kosovën, është akt i kapitullimit para ultimatumeve të fuqive perëndimore. Ndërsa kryetari i Partisë Liberale Serbe, Çedomir Jovanoviq, ka deklaruar  se pranimi për ndryshimin e projektrezolutës për Kosovën, është hapi i parë për të ndryshuar qasjen e gabuar politike, e cila e ka sjellë Serbinë në prag të humbjes së perspektives evropiane.

Serbia, edhe njëherë e nxjerrë vetën në qendër të vëmendjes ndërkombëtare, kuptohet duke e keqpërdorur sistemin dhe juridiksionin ndërkombëtar. Kësaj radhe në OKB, në tentim për ta sfiduar qendrimin pozitiv të Gjykatës Ndërkombëtare të Drejtësisë kundruall pavarësisë së Kosovës. Eleganca politike me të cilën Serbia përpiqet ta manipuloj pavarësinë e Kosovës, është logjika e kaotizuar e atij që është duke u mbytur  në mes të oqeanit: deri sa shkon drejt fundosjes së sigurt, përpiqet ta marrë me vete gjithë botën. Siç thotë ajo fjala e njohur e popullit, “Serbia po përpiqet të kapet edhe për një fije kashte për ta mbajtur nën presion Kosovën”, ndërsa që shkon drejt vetëkaotizimit politik dhe shtetërorë, duke i mbetur konsekuente rrugës së ferrit. E filloi rrugën e ferrit në Kosovë, kushtimisht në mars të vitit 1989 kur e suprimoi autonominë, për të vazhduar me luftën kundër Sllovenisë, Kroacisë dhe Bosnjës, për t’u kthyer sërish një ditë në Kosovë. >>>

Arbër B. Ahmeti: Refleksione mbi koncepte të shkencave ushtarake

Populli Shqiptar ka zhvilluar ne vete teknika dhe metoda te veçanta luftimi te cilat edhe janë pjesë e Artit Luftarak të Popullit tonë. Keëo metoda u krijuan si pasojë e luftërave te shumta dhe u bene pjese e traditës popullore. Artin Luftarak te rinjtë shqiptarë e mësonin nga prindërit e tyre, nga tregimet mbi betejat dhe luftërat e ndryshme, dhe ne fund nga pjesëmarrja ne te tilla. Kjo ka qene një gjë e domosdoshme për krijimin e luftëtarëve te rinj pa marre parasysh se cilës periudhë i referohemi, për të mos u prerë linja e luftëtarëve të lirisë.>>>