Marrëveshja e mundshme për blerjen e 12 aeroplanëve luftarakë francezë, Rafale, nga Serbia po kushtëzohet nga Franca. Kompania prodhuese franceze, Dassao Aviasion, aktualisht refuzoi të diskutojë për një shitje të mundshme të avionëve në Serbi, edhe pse shitja mund të sjellë 3 miliardë euro. Franca dëshiron të sigurohet për zhvillimet politike në Serbi para se të finalizojë blerjen. Serbia ka shfaqur një rritje të dukshme në blerjet e armëve, duke përfshirë pajisje europiane, kineze dhe ruse. Buxheti ushtarak serb është trefishuar në vitet e fundit, duke arritur në 1.4 miliardë euro në vitin 2023. Kjo shifër është më e lartë se buxhetet e kombinuara të pesë vendeve të tjera të Ballkanit. Megjithëse Serbia e ka dënuar agresionin rus në Ukrainë, ajo nuk është bashkuar me sanksionet perëndimore. Lidhjet e ngushta të kreut të shtetit serb me Vladimir Putin dhe blerjet e vazhdueshme të armëve nga Rusia dhe Kina janë faktorë që shqetësojnë Francën.
Kontrolloni gjithashtu
AAK-ja ka festuar 24-vjetorin e themelimit në një takim me strukturat e të gjitha niveleve të organizimit dhe me simpatizantë
Aleanca për Ardhmërinë e Kosovës ka festuar 24-vjetorin e themelimit, me një takim të organizuar …