leoni

1 i shëruar, 3 teste negative dhe 3 pozitive me COVID-19 në Malishevë

14/07/2020 Institucionet

Një pacient nga Komuna e Malishevës, është shëruar plotësisht nga COVID-19, tri teste kanë rezultuar negativ, kurse tri teste kanë rezultuar pozitiv. Kjo është konfirmuar nga IKSHPK në komunikimin zyrtar me Komunën e Malishevës përkatësisht me shtabin komunal. Numri i përgjithshëm i rasteve aktive me COVID-19 në Malishevë, është 13, ndërsa i të shëruarve është 77. Nënkryetari i Komunës së Malishevës, Hajdin Berisha, e ka uruar të shëruarin, ndërsa të prekurve aktiv, ju ka dëshiruar shërim të shpejt, gjendja e të cilëve deri më tani është stabile. Nënkryetari Berisha, gjithashtu ju ka bërë thirrje qytetarëve, që në përpikëri ti zbatojnë vendimet dhe udhëzimet, për tu mbrojtur nga ky virus, i cili çdo ditë e më tepër po përhapet në vendin tonë. “Qytetarë të nderuar, ju lutemi shumë, që ti zbatoni të gjitha masat dhe vendimet e organeve përgjegjëse, për tu mbrojtur nga virusi korona, pasi nuk ka formë tjetër të luftimit të kësaj sëmundje. Ne jemi 24 orë në ditë në shërbim tuaj, por ju lutemi që ti mbani maska mbrojtëse për fytyrë, të mbani higjienën e duarve, të mbani distancën dhe në maksimum ti shmangi vendet ku ka më shumë se pesë persona, pasi këto janë vendime dhe rekomandime të të gjitha organeve përgjegjëse shëndetësore”, ka thënë nënkryetari i Komunës së Malishevës, Hajdin Berisha, në emër të shtabit komunal për menaxhimin e situatës me COVID-19 në Malishevë. Gjendja aktuale me COVID-19 në Komunën e Malishevës është kjo: 94 të prekur me COVID-19, prej tyre 77 janë shëruar, 13 raste janë aktive, ndërsa 4 raste kanë përfunduar me vdekje.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara