Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
23 vjet më parë, më 31 mars të vitit 1999, forcat policore e ushtarake të Serbisë kanë kryer një masakër mbi popullatën civile të fshatit Pastasellë të komunës së Rahovecit, e cila është njëra nga masakrat më të tmerrshme që kanë kryer forcat kriminale serbe gjatë luftës në Kosovë të vitit 1999. Aty janë vrarë dhe masakruar 106 persona nga ky fshat dhe fshatrat tjera përreth. Edhe sot e kësaj dite nga kjo masakër ende ka familjarë që kërkojnë t’u kthehen trupat e më të dashurve të tyre, të cilët edhe pas 23 vjetësh figurojnë të pagjetur. Në këtë masakër, përpos vrasjes dhe masakrimit nga forcat serbe, të vrarët më pastaj edhe janë djegur. Nga kjo ngjarje e rëndë kanë mbijetuar 13 persona. Ndryshe, për vrasjen dhe masakrimin e 106 martirëve në këtë fshat, deri më tani nuk është dënuar asnjë serb që ka marrë pjesë në masakër. Sot mbushen 23 vjet nga dita kur forcat kriminale serbe kanë kryer një masakër në Burim, ku u vranë dhe u masakruan 42 civilë shqiptarë.
