Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
25 vjet më parë, më 26 mars të vitit 1999, forcat serbe kanë vrarë mizorisht 46 anëtarë të familjes Berisha, në Therandë (ish-Suharekë). Krimi barbar serb u ndërmor te shtëpitë e kësaj familjeje, e cila gjendej afër Stacioni policor i Suharekës. Policia dhe Ushtria serbe kishin filluar t’ i vrisnin nëpër shtëpitë e tyre ndërsa të tjerët i kishin dërguar në një kafiteri, ku serbë kishin kryer një masakër barbare. Nga kjo masakër kanë mbijetuar tre anëtarë të familjes, Vjollca Berisha me të birin, Gramozin dhe Shyhrete Berisha. Këta të tre gjatë transportit të viktimave të drejt Prizrenit, kanë kërcyer nga kamioni që ishte në lëvizje për të shpëtuar. Sipas rrëfimeve të Vjollca Berishës, në kamionin kishte edhe të tjerë që ishin gjallë, por të plagosur. Para pak vjetësh disa prej anëtarëve janë gjetur dhe janë varrosur eshtrat e Bujar Berishës, Faton Berishës, Nexhat Berishës dhe Arta Berishës, nën nderimet ushtarake. Por, ende nuk janë gjetur të gjithë anëtarët e familjes Berisha.
