Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
25 vjet më parë në Gërlicë të Ferizajt u krye aksioni i parë i UÇK-së, kundër forcave policore serbe. Atë ditë krisi pushka e UÇK-së nga Rexhep Bislimi, Ferat Shala, Idriz Hajdari e Afrim Nuha. Këtë aksion para 25 vjetësh, më 12 shtator të vitit 1997, në fshatin Gërlicë e kishin ndërmarrë Rexhep Bislimi, tani hero i popullit, bashkë me Ferat Shalën, deputet i Parlamentit të Kosovës dhe dy bashkëluftëtarët e tyre Idriz Hajdari e Afrim Nuha, me 12 shtator 1997. Lajmin, për ngjarjen e 25 biteve më parë e ka bërë të ditur ish-i burgosuri politik, Bajrush Xhemajli.
Postimi i plotë i Bajrush Xhemajlit:
Nën udhëheqjen e Rexhep Bislimit, tani më hero i popullit, bashkë me Ferat Shalën, tani deputet i Parlamentit të Kosovës dhe me dy bashkëluftëtarët e tyre Idriz Hajdarin e Afrim Nuhën, këtu e 25 vjet më parë, 12 shtator 1997, në fshatin Gërlicë, u organizua me plot sukses aksioni i parë i armatosur në Ferizaj e rrethinë, ku iu bë me dije okupatorit serb se, edhe në këto anë, më nuk do të durohet robëria, se ka djem që bëjnë sakrificën supreme deri në çlirimin e vendit. Në kujtimi të këtij sulmi, që ka rëndësi të jashtëzakonshme për këtë anë, këtu prej ku u sulmua punkti i policisë serbe, po ngritet një obelisk. Lavdi heroit të kombit Rexhep Bislimi, e respekt tre të gjallëve Feratit, Idrizit e Afrimit, dëshmitar të atij aksioni për të cilin sot rrëfyen momente trimërie që na bënë të ndihemi krenarë!
Lavdi të rënëve për liri!
