25 vjet më parë nisi sulmi i parë frontal i Ushtrisë Çlirimtare të Kosovës e cila përherë të parë edhe doli publikisht në zonën e Llapushës

25/04/2023 Institucionet

Kryesuesi i Komitetit për Familjet e Dëshmorëve, Invalidëve dhe Veteranëve të Luftës së Ushtrisë Çlirimtare të Kosovës në komunën e Malishevës, Ilaz Krasniqi udhëhoqi me mbledhjen e katërt, të komitetit dhe në kujtesë të nisjes së sulmit të parë frontal të UÇK-së dhe daljes së parë publike në zonën e Llapushës, ndër të tjera tha.”Pikërisht nesër më, 26 prill të viti 1998, bëhen njëzet e pesë vjet të sulmit të parë frontal të Ushtrisë Çlirimtare të Kosovës, përkatësisht të njësiteve ”LUMI” dhe ”PËLLUMBI”, që kishin zënë pozicionet luftarake, në magjistralen Pejë- Prishtinë, mes fshatrave Balincë dhe Gjurgjicë, ku për disa orë u zhvilluan, luftime të ashpra mes forcave çlirimtare të UÇK-së si dhe policisë pushtuese serbe, ku nga ana e pushtuesit pati dëme të konsiderueshme në mjete luftarake dhe humbje tjera, prandaj vazhdoi Krasniqi, ”ky sulm frontal njëherit është edhe sulmi i parë, si dhe dalja e parë publike e UÇK -së në zonën e Llapushës, Malishevës, dhe i tregoi botës demokratike se jemi të vendosur me luftu deri në çlirimin përfundimtar të Kosovës”, për këtë simbolikë të fuqishme edhe ka hyrë në kalendarin e datave historike, përfundoi Krasniqi. Në vazhdim të takimit, anëtarët e Komitetit për Familjet e Dëshmorëve, Invalidëve dhe Veteranëve të Luftës së Ushtrisë Çlirimtare të Kosovës, takuan dhe biseduan edhe me Kryetarin e Invalidëve të UÇK-së dega në Malishevë, Fatmir Buçajn dhe atë të Martirëve dhe të zhdukurve të luftës, Hysen Kryeziun.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara