Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Sot, më 24 mars, shënohet 26-vjetori i fillimit të sulmeve ajrore të NATO-s kundër objektivave ushtarake dhe policore jugosllave në territorin e Kosovës dhe Serbisë. Këto bombardime nisën pas dështimit të negociatave të vitit 1999 për zgjidhjen e konfliktit në Kosovë, kur pala serbe refuzoi nënshkrimin e marrëveshjes për paqe në Rambuje. Operacioni ajror i NATO-s, që zgjati 78 ditë dhe u ndërpre më 10 qershor 1999, ishte një përgjigje ndaj zhvillimeve dramatike në Kosovë dhe kishte si qëllim mbrojtjen e civilëve dhe përfundimin e dhunës sistematike. Më pas, me miratimin e Rezolutës 1244 të Këshillit të Sigurimit të Kombeve të Bashkuara, filloi administrimi i Kosovës nga Kombet e Bashkuara dhe kthimi i mbi 800 mijë refugjatëve në shtëpitë e tyre. Kjo ndërhyrje e NATO-s, shënoi fillimin e fundit të regjimit serb mbi Kosovën, që më vonë, më 17 shkurt 2008, shpalli pavarësinë e saj.
