Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Përkushtimi dhe interesimi i përhershëm i qeverisë lokale për të vënë në krye të agjendës zhvillimore bujkun rahovecas, u dëshmua edhe sot. Kryetari i komunës së Rahovecit Smajl Latifi, bashkë me drejtorin e bujqësisë Berat Durakun dhe bashkëpunëtorë të tjerë, kanë filluar procesin e shpërndarjes së mekanizmit bujqësor për 300 përfitues, në projektin: “Furnizim me mekanizëm bujqësor”. Pajisjet bujqësore të cilat janë shpërndarë sot janë 300 motokultivatorë. Pra, gjithsej: 300 bujq përfitues, sot kanë pranuar pajisjet e tyre. Në kohën kur kriza ekonomike ka kapluar vendin, siguroj, se Komuna e Rahovecit do të vazhdojë të trajtojë me dinjitet bujkun rahovecas me të vetmin qëllim: ndihmën e vazhdueshme për ta, me mekanizëm për bujqit, e që ndikon drejtpërdrejtë në lehtësimin e punës së tyre, rrjedhimisht, në rritjen e ekonomisë lokale. Së shpejti, do të shpërndahen edhe pajisje të tjera për bujqit! Ata do përkrahen edhe më fuqishëm në të ardhmen nga komuna e tyre! T’i gëzojnë bujqit tanë të vyeshëm, ka thënë kryetari Latifi me këtë rast.
