Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Jo më pak se 7 mijë e 500 euro është paga me të cilën, njëfarë zhongleri, i quajtur, Gani Jakupi, paguhet nga Qeveria e Kosovës për pozitën, këshilltar në Ministrinë e Punëve të Jashtme dhe Diasporës, dikaster ky i cili udhëhiqet nga Donika Shvarc. Ky farë, Gani Jakupi jeton në Spanjë, por është angazhuar nga ambasadori i Kosovës në Bruksel, Agron Bajrami, si këshilltar i jashtëm për çështje kulturore dhe mediatike. Një informacion i tillë ka ngjallur reagime të shumta në rrjetet sociale nga liderë politikë, opozitarë dhe nga pjesëtarë të shoqërisë civile. Anëtari i Kryesisë së Lidhjes Demokratikë të Kosovës, Muhamet Hamiti, duke bërë përllogaritje me pagën e Jakupit, ka thënë se i njëjti në vit merr 90 mijë euro nga taksapaguesit e Kosovës. Ndërkaq kryetari i Partisë Socialdemokrate, Dardan Molliqaj, ka shpërndarë një intervistë të Jakupit më 2020 ku dëgjohet duke lavdëruar partinë në pushtet, Lëvizjen Vetëvendosje. “28 tetor 2020 – Gazetari Agron Bajrami interviston artistin Gani Jakupi. I thurë lavde Kurtit dhe akuzon partitë e tjera për punësime familjare. 21 nëntor 2023 – Ambasadori Agron Bajrami e angazhon për konsulent artistin Gani Jakupi me 7500€ pagë mujore, ka nënvizuar, Dardan Molliqaj. Super-këshilltari ka shkëmbyer komente me një llogari në Facebook, duke thënë se ka te vërteta në raportim, por se nuk ka të drejtë ta komentojë publikisht.
