7 nxënës vitias bëhen pjesë e programit KEDS Academy

21/12/2023 Institucionet

Kryetari i komunës së Vitisë, Sokol Haliti i shoqëruar nga drejtoresha për Arsim, Arta Ajeti kanë vizituar sot shkollën IAAP “Jonuz Zejnullahu” – Viti. Me këtë rast ata i uruan për sukseset të cilat i ka arritur kjo shkollë,  në veçanti për 7 nxënësit të klasës së  12-të,  profili Instalues Elektrik pas kalimit me sukses në të gjitha fazat e testimit  dhe pranimit të tyre në  programin KEDS Academy. “Sot dua të ju uroj secilin nxënës për sukseset e arritura duke potencuar se me këtë ata na bëjnë krenar. Rinia është e tashmja dhe e ardhmja e këtij vendi dhe ju inkurajoj të mos ndalini rrugën tuaj të suksesit”, u shpreh kryetari Haliti.  Ai gjithashtu tha se nxënësit vitias janë shumë të suksesshme dhe do ta kenë mbështetjen e komunës si në mjetet e konkretizimit, kabineteve etj. Në këtë shkollë ata u pritën në takim nga drejtori i shkollës Ali Bislim, i cili i njoftoj ata për zhvillimet e gjithëmbarshme të shkollës. Ai tha se vazhdimisht kanë aplikuar dhe janë përzgjedhur nxënësit e kësaj shkolle profesionale duke u pranuar në KEDS Academy.  Ndërkaq drejtoresha Ajeti bëri me dije se të gjithë nxënësit vitias , do të kenë sigurimin shëndetësor të mbuluar nga komuna gjatë punës së tyre praktike. Përndryshe bëhet fjalë për nxënësit vitias: Elmedin Beqiri, Bekir Samakova, Rexhep Sadiku, Samed Ramadani, Osman Ferati, Rinim Sadiku dhe Eltion Ramadani të cilët tani më janë pjesë të këtij programi.

Kontrolloni gjithashtu

39 pemëtar ferizajas përfitues të spërkatsëve profesionale

Mbështetja për bujqit dhe fermerët ferizajas po vazhdon. Në kuadër të skemës mbështetëse për bujqit …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara