Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Zyra për Çështjet e Kategorive të dala nga Lufta e Ushtrisë Çlirimtare të Kosovës, duke iu referuar listave të Komisionit Qeveritar për njohjen dhe verifikimin e statusit të dëshmorit të kombit, invalidit, veteranit, pjesëtarit apo të internuarit të Ushtrisë Çlirimtare të Kosovës, i themeluar me Vendim të Qeverisë se Kosovës po ashtu i funksionalizuar me vendim të Qeverisë ka filluar shpërndarjen e certifikatave për statusin Veteran – Pjesëtar. Ky proces vijon pas përmbylljes së problemeve teknike, me të cilat ZÇKL është duke punuar që prej shtatorit të vitit 2017, dhe në funksion të zbatimit të Ligjit për veteranët e Luftës së Ushtrisë Çlirimtare të Kosovës. Vlen të ceket se që nga dhjetori i vitit 2017 ZÇKL ka filluar me pajisjen me dokumentacionin e nevojshëm për veteranët – invalidë dhe familjet e dëshmorëve, prej marsit 2018 ka filluar të lëshoj vërtetimet për të refuzuarit, ndërsa tani, me certifikata do të pajisen edhe Veteranët – Pjesëtar. Certifikatat do të shpërndahen nga komandantët e njësive, zyrat e shoqatave të dala nga lufta apo direkt nga ZÇKL. Në javët në vijim, do të përmbyllet edhe pajisja me certifikata e Veteranëve – Pjesëmarrës.
