92,9 % e maturantëve kaçanikas kalojnë testin e maturës

05/07/2017 Institucionet

Maturantët nga Komuna e Kaçanikut janë treguar mjaft të suksesshëm në testin e maturës, të cilin provim e kanë kaluar 92,9 %  e maturantëve në Kaçanik. Drejtori për Arsim dhe Kulturë në Komunën e Kaçanikut Enver Kamishi, është ndarë i kënaqur me rezultatet e arritura të testit të maturës të mbajtur me 14 dhe 24 qershor, ndërsa theksoi se krahasuar me vitin e kaluar sivjet rezultatet e provimit të maturës janë ngritur për 15 %.  Drejtori Kamishi uroi nxënësit maturantë për sukseset e arritura, ndërsa u dëshiroi atyre suksese në rrugëtimin e mëtejmë. Nga ana tjetër Hajrush Dullovi, zyrtar për arsim të mesëm të ulët dhe të mesëm të lartë ka thënë se në nivel komunal, kalueshmëria e maturantëve kaçanikas është 92,9 %  që krahasuar me vitin paraprak (67,86 %) është shënuar rritje. Dullovi ka thënë se sivjet testit të maturës iu kanë nënshtruar gjithsej 325 maturantë ndërsa 302 prej tyre e kanë kaluar atë. Në gjimnazin “Skënderbeu” nga gjithsej 230 maturantë, testin e maturës e kanë kaluar 227 prej tyre apo 98,7 %  ndërkohë që  vetëm 3 nxënës do t’i nënshtrohen të njëjtit test në afatin e gushtit, ndërkaq në Shkollën e Mesme Profesionale “ Feriz Guri dhe vëllezërit Çaka” nga 95 nxënës, sa iu kanë nënshtruar testit, atë e kanë kaluar 75 prej tyre  apo 78,9 % .

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara