95 mijë euro për Komitetin Paraolimpik të Kosovës dhe dy federata

05/05/2017 Institucionet

Në kuadër të mbështetjes së drejtpërdrejtë për punën e federatave sportive, Ministria e Kulturës, Rinisë dhe Sportit, ka nënshkruar  memorandume të bashkëpunimit me Komitetin Paraolimpik të Kosovës dhe dy federata të sportit. Përmes memorandumeve të nënshkruara, Komiteti Paraolimpik i Kosovës mbështetet financiarisht me 25 mijë euro me qëllim të realizimit të objektivave dhe planeve për vitin 2017, ndërsa Federata e Kick-Boxit mbështetet me 45 mijë euro dhe Federata e Punëtorëve Sportiv mbështetet me 25 mijë euro. MKRS-ja nëpërmjet këtyre akteve përkrah programet e federatave dhe krijon lehtësira që ato të mund të planifikojnë dhe funksionojnë në mënyrë sa më të pavarur, dhe kështu të avancojnë sportin e Kosovës. Me këtë rast ministri Shala përgëzoi drejtuesit e federative për punën që po bëjnë për zhvillimin e sportit të Kosovës. Shala e inkurajoi edhe përfaqësuesin e Komitetit Paraolimpik të Kosovës për përfshirjen dhe motivimin e personave me aftësi të kufizuara që të merren me sport. Ai u shpreh se MKRS-ja po punon në shumë drejtime për të ndihmuar sportin e Kosovës, duke investuar në infrastrukturë fizike e ligjore të standardeve më moderne dhe duke sponsorizuar drejtpërdrejtë sportin përmes mbështetjes financiare të federatave. Kësisoj, tha ministri, sporti i Kosovës do të ketë cilësi dhe do të prezantohet edhe më mirë në arenën ndërkombëtare.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara