leoni

MINISTRI BYTYQI PRITI SHEFIN E MISIONIT TË UNHCR-SË NË KOSOVË

31/07/2018 Institucionet

Ministri i Arsimit, Shkencës dhe Teknologjisë, Shyqiri Bytyqi, ka pritur në takim shefin e misionit të UNHCR-së në Kosovë, Erol Arduc, me të cilin ka diskutuar për bashkëpunimin dhe kontributin e deritanishëm që UNHCR ka dhënë në fushën e arsimit, angazhim për të cilin,ministri Bytyqi e ka falënderuar. Temë kryesore e këtij takimi ishte edukimi në fëmijërinë e hershme nga mosha 0-3 vjeç, me ç’rast ministri Bytyqi kërkoi nga Arduc, që të ketë mbështetjen e UNHCR-së në organizimin e një fushate vetëdijësuese për rëndësinë e zhvillimit të fëmijëve të këtyre moshave. Ministri theksoi se në këtë fushatë, e cila do të bëhet në bashkëpunim edhe me Fakultetin e Edukimit, do të përgatiten edhe disa materiale dhe broshura, të cilat do të shpërndahen kryesisht nëpër familjet, të cilat për arsye të ndryshme nuk mund t’i dërgojnë fëmijët në çerdhe. Shefi i misionit të UNHCR-së, Erol Arduc, shprehu gatishmërinë për të kontribuar në realizimin e kësaj ideje, të cilët e vlerësoi si shumë të rëndësishme për zhvillimin e edukimit në fëmijërinë e hershme.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara