leoni

Asfaltohet edhe një rrugë në Lubizhdë të Malishevës

02/08/2018 Institucionet

Në kuadër të rregullimit të infrastrukturës rrugore në vendbanimet e Komunës së Malishevës, ka filluar asfaltimi i një rruge në fshatin Lubizhdë, e cila e lidhë pjesën e fshatit që gjendet në anën tjetër të lumit Mirusha. Për këtë qëllim, nënkryetari i Komunës së Malishevës, Hajdin Berisha, e ka vizituar fshatin Lubizhdë, për të parë nga afër asfaltimin e kësaj rruge. “Rregullimi i infrastrukturës në përgjithësi, e në veçanti i infrastrukturës rruge, në territorin e Komunës së Malishevës, është duke shkuar shumë mirë, sepse të gjitha rrugët kryesore janë të asfaltuara dhe tani neve na mbetet ti rregullojmë edhe rrugët brenda lagjeve, apo lidhjet mes lagjeve, siç është kjo rrugë”, tha nënkryetari Berisha. Përndryshe, kjo rrugë, e cila është rregulluar dhe po asfaltohet sot, është e gjatë 650 metra dhe mundëson lidhjen e fshatit me lagjen e cila është përtej urës, apo në anën tjetër të lumit, pasi këtë lagje, e ndanë lumi Mirusha dhe ka rëndësi jetike për banorët e kësaj lagjeje. Rregullimi dhe asfaltimi i kësaj rruge, mundësohet nga buxheti i Komunës së Malishevës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara