Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Debatit mes liderëve nga Shqipëria dhe kryetarit Hashim Thaçi për lëvizjen e kufijve të Kosovës me Serbinë i është bashkëngjitur edhe ish-kryetari i Shqipërisë Bujar Nishani. Ai e quan Kosovën ‘Jerusalem të shqiptarëve’, duke arsyetuar kështu interesimin e secilit shqiptar për çështjet e Kosovës. Nishani e ka quajtur Kosovën Jerusalemin e shqiptarëve, prandaj, sipas tij, cdo situatë në Kosovë nuk i takon vetëm këtij shteti, por gjithë shqiptarëve kudo.
“Kosova nuk është çështje thjesht e një shteti por Kolona Kryesore e Sigurisë Kombëtare për shqiptarët. Në Shqipëri, Kosovë, Maqedoni, Mal të Zi, Luginë apo kudo qofshin ata, anekënd botës. Jo rastësisht, ndër shekuj, kryengritjet për liri të shqiptarëve kanë nisur nga Kosova. Ndaj Kosova është Jerusalemi i shqiptarëve”, ka shkruar Nishani.
