leoni

MINISTRI LEKAJ INAUGUROI FILLIMIN E PUNIMEVE NË RRUGËN QË E LIDHË PËRQEVËN ME SFERRKËN

07/08/2018 Institucionet

Ministri i Infrastrukturës, Pal Lekaj, i shoqëruar nga kryetari i Klinës, Zenun Elezaj dhe deputeten e kësaj ane Mirjeta Kalludra, inauguruan fillimin e rrugës që lidhë fshatrat Përqevë dhe Sferrkë, por edhe Volljakun e Gremnikun me Prishtinën. Ministri Lekaj me këtë rast tha se, Qeveria e Kosovës mbetet e përcaktuar për ta ndryshuar pozitivisht infrastrukturën dhe dita e sotme dëshmon këtë. Ndryshimi pozitiv ndodhë duke qenë në bashkëpunim me komunat dhe kjo pamje e sotme e dëshmon këtë. Kosova është e të gjithëve prandaj jemi në Përqevë bashkë me kryetarin Elezaj, deputeten Kalludra dhe të gjithë këta banorë për t’i dhënë mbështetje zhvillimit infrastrukturor që do të ndikojë në zhvillimin ekonomik dhe social të këtij rajoni. Ministri Lekaj tha se investimi që po fillon sot, i gjatë rreth 4 kilometra me një kuotë buxhetore rreth 400 mijë euro, nuk do të jetë i fundit, duke ripërsëritur se së shpejti do të fillojnë edhe projektet si Autostrada Klinë – Zahaq, zgjerimi i rrugës Rajonale Klinë-Gjakovë dhe Autostrada e Dukagjinit. Kryetari Elezaj dhe deputetja Kalludra, e kanë falënderuar ministrin Lekaj për bashkëpunimin e shkëlqyer dhe gatishmërinë e treguar në vazhdimësi, duke e vlerësuar si tejet të rëndësishme fillimin e kësaj rruge, e cila ka qenë kërkesë e kamotshme e qytetarëve të kësaj zone.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara