Komuna e Vitisë dhe GIZ-i  nënshkruan marrëveshje bashkëpunimi për  Krijimin e Sistemit të Menaxhimit të Energjisë në Nivel lokal

10/08/2018 Institucionet

Kryetari i komunës së Vitisë Sokol Haliti, ka nënshkruar një Memorandum bashkëpunimi me përfaqësuesin e GIZ-it gjerman Shkelzen Hasani,  Projekti i Kosovës për Efiçiencë të Energjisë (KEEP) për Krijimin e Sistemit të Menaxhimit të Energjisë në Nivel lokal, që ka për qëllim të siguroj bashkëpunimin e dakorduar dhe të ngushtë midis palëve nënshkruese për krijimin e sistemit për menaxhimin komunal të energjisë, bazuar në Marrëveshjen për zbatim të projekteve për bashkëpunim teknik të datës 29.08.2017 në mes të GIZ dhe Ministrisë së Zhvillimit Ekonomik të Kosovës. Në bazë të kësaj marrëveshje, komuna e Vitisë është përgjegjëse për themelimin e Zyrës Komunale për Energji (ZKE) ose emërimin e një zyrtari në pozitën e Menaxherit Komunal të Energjisë (MKE), hartimin e Rregullores së Punës së ZKE-së (nëse themelohet) dhe përshkrimin e detyrave të punës për MKE-në e emëruar, krijimin e Grupit Punues Komunal për të punuar në rishikimin e PKEE-së dhe hartimin e PKVEE-së, si dhe menaxheri i ZKE apo MKE e bën koordinimin e të gjitha aktiviteteve të projektit nga ana e Komunës. Kurse GIZ,  është përgjegjëse për ofrimin e shërbimeve këshillëdhënëse dhe ekspertizës teknike të drejtpërdrejtë nëpërmjet projektit apo përmes konsulentëve vendorë dhe ndërkombëtarë, zhvillimin dhe sigurimin e ndërtimit të kapaciteteve duke i përdorur praktikat më të mira, sigurimin e mbështetjes së ekspertëve vendorë duke e përdorur ekspertizën relevante nga OJQ-të lokale, kompanitë vendore, ekspertët lokalë apo sipas nevojës edhe të ekspertëve rajonal të punësuar për ta mbështetur MKE-në.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara