Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kolektivi i aktivistëve dhe organizatave joqeveritare në Ferizaj, organizon protestë për të shprehur revoltën ndaj vrasjes së vajzave dhe grave, dhe dhunës në përgjithësi. Kjo protestë mbahet, sot në orën 12:00, si vazhdim i organizimit të protestës në Gjakovë, dhe në Prishtinë! Në njoftimin e organizatorëve thuhet se neglizhenca dhe mos-llogaridhënia e institucioneve tona duhet të ndëshkohet! “Jeta e vajzave dhe grave vlen njëlloj si e burrave, dhe askush nuk ka të drejtë të ta cenojë atë. Ne kërkojmë përgjegjësi dhe seriozitet kur bëhet fjalë për trajtimin e rasteve të dhunës në familje, ku me këtë rast ftojmë vajzat dhe djemtë, burrat dhe gratë të na bashkohen sepse bashkërisht zëri ynë është më i fuqishëm dhe kumbon më fort për institucionet; për ato/ata që nuk kujtohen se fëmijët dhe gratë janë njerëz. NE NUK PAJTOHEMI, Ne kundërshtojmë dhe e dënojmë një gjë të tillë. Takohemi para Kuvendit Komunal, vazhdojmë deri tek policia dhe gjyqësia, dhe kthehemi prapë tek Kuvendi”, thuhet në njoftim të organizatorëve.
