Vazhdojnë punimet në asfaltimin e rrugëve nëpër lokalitetet e komunës së Vitisë

17/08/2018 Institucionet

Ka filluar asfaltimi edhe i disa rrugëve nëpër disa fshatra, në kuadër të projekteve për përmirësimin e infrastrukturës rrugore të lokaliteteve të komunës së Vitisë. Asfaltimi i rrugës „Shaban Kabashi“ në gjatësi prej 500 metrash, ka nisur paraditen e së premtes, rrugë kjo e cila lidh Kabashin me fshatin Smirë. Kryetari i komunës së Vitisë Sokol Haliti me bashkëpunëtor, ka vizituar punimet që po kryhen në këtë rrugë dhe me këtë rast ka theksuar nevojën e kamotshme që kanë pasur banorët e kësaj pjese, për rregullim të infrastrukturës rrugore. Do të vazhdojmë edhe më tej që të realizojmë projekte që kanë për qëllim përmirësimin e jetës së qytetarëve, ka thënë kryetari Haliti. Ai më pas ka vizituar edhe punimet në rrugën “Xhepat” që lidh fshatin Lubishtë me Beguncën, e cila kap një gjatësi prej 1 kilometër e gjysmë. Po ashtu ka filluar asfaltimi edhe i rrugës “Rrezja e Lirisë”, që lidh Binqën me lagjen “Godeni i Ri”.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara