Asgjësohet sasi e konsiderueshme e produkteve ushqimore në Ferizaj

22/08/2018 Institucionet

Aksioni i ndërmarrë muaj më parë me iniciativën e Kryetarit të Komunës së Ferizajt, Agim Aliu për kontrollimin e produkteve që ofrohen në treg, po vazhdon me po të njëjtin intensitet edhe gjatë gjithë kësaj kohe. Të mërkurën, inspektorët komunal të përbërë edhe nga inspektorët sanitar, të tregut dhe mjedisit kanë kapur dhe asgjësuar në njërin nga marketet e mëdha që operon në Ferizaj, një sasi të konsiderueshme produktesh ushqimore të prishura, përkatësisht të skaduara. Këto produkte janë zënë gjatë kontrollit rutinor në proces shitje. Inspektorati komunal gjatë 3 muajve të fundit ka inspektuar shumicën e marketeve, lokaleve ku ofrohen produkte të ndryshme, që ka rezultuar me mbi 80% e lokaleve, marketeve plotësojnë kushtet, gjegjësisht produktet ofrohen sipas të gjitha kushteve për shitje- konsum. Komuna e Ferizajt, përkatësisht inspektorati i komunës është i vendosur në përmbushje të qëllimit të Kryetarit të Ferizajt, Agim Aliu që shëndeti i qytetarëve të garantohet në bazë ditore nga cilësia e produkteve që ofrohen në treg.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara