Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Avokati i Popullit, në zbatim të funksioneve të tij kushtetuese dhe ligjore, më 17 gusht 2018, në rastin e parashtruar nga Nita Shala, Ankesa nr. 421/2018, ka nxjerr Opinionin përkitazi me kriterin për dorëzimin e vendimit të nostrifikimit, për aplikim, në konkursin e personelit akademik ne Fakultetet e Universitetit të Prishtinës “Hasan Prishtina”.
Duke marrë parasysh kriterin e parashikuar në konkursin me nr.prot.1/173, të datës 27 prill 2018, për zgjedhjen e personelit akademik në fakultetet e Universitetit Publik të Prishtinës “Hasan Prishtina” , i cili në pikën II (f) përcakton që “kandidatët që i kanë mbaruar studimet jashtë vendit duhet të sjellin edhe vendimin për nostrifikim (barasvlerën) e diplomës përkatëse (bachelor, master, magjistraturë, doktoratë) dhe se nuk do të merret në konsideratë dëshmia e aplikimit për nostrifikim”, Avokati i Popullit paraqet këtë Opinion, i cili ka për qëllim të tërheq vëmendjen e UP që kriteri i lartcekur (pika II (f)) në konkursin për zgjedhjen e personelit akademik në fakultetet e UP, të datës 27 prill 2018, nr.prot.1/173, nuk është në pajtim me legjislacionin në fuqi, shkel parimin e barazisë dhe drejtat e tjera në lidhje me procedurën e rekrutimit të personelit akademik në UP, dhe si i tillë, ky kriter është diskriminues për kandidatët që kanë mbaruar studimet jashtë vendit, duke parandaluar kështu aplikimin e tyre, përkatësisht pjesëmarrjen e tyre në konkurs.
Opinioni, në formatin e tij të plotë, publikohet edhe në ueb faqe të Intitucionit të Avokatit të Popullit, në: http://www.ombudspersonkosovo.org.
Zyra për komunikim me publikun
