MINISTRIA E INFRASTRUKTURËS, E PËRKUSHTUAR NDAJ PËRGJEGJËSIVE TË INTEGRIMIT EVROPIAN

28/08/2018 Institucionet

Ministri i Infrastrukturës, Pal Lekaj mori pjesë në takimin e rregullt të Këshillit Ministror për Integrim Evropian, në të cilin u diskutua zbatimi i Agjendës së Reformave Evropiane (ERA). Me këtë rast, Lekaj informoi pjesëmarrësit vendas dhe ndërkombëtarë për përkushtimin në përmbushjen e të gjitha detyrave dhe përgjegjësive që rrjedhin nga Agjenda Evropiane. Në kuadër të kësaj, ministri Lekaj njoftoi se Traktati i Komunitetit të Transportit është nënshkruar nga Republika e Kosovës dhe vendet e tjera të Ballkanit Perëndimor, e cila duhet të ratifikohen me procedurë legjislative nga Kuvendi i Kosovës. Rrjedhimisht ministria ka hartuar projektligjin për ratifikimin e Traktatit të Transportit e cila miratohet nga qeveria në mbledhjen e së martës (28 gusht 2018). Lekaj premtoi se edhe hartimi i planit të veprimit 2019 – 2023 për Sistemin Inteligjent të Transportit (ITS), do të jetë i gatshëm deri në mesin e shtatorit, ndërkaq rreth nënshkrimit të kontratës pesëvjeçare për financim të hekurudhave, ministri theksoi se duhet të vendosë qeveria. Me përmbushjen e këtyre të tria pikave, Ministria e Infrastrukturës, përmbyll me kohë angazhimin që i përket në përmbushje të kërkesave të ERA, e cila duhet të përfundojë në fund të shtatorit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara