MINISTRI BYTYQI PRITI ANËTARËT E KËSHILLIT SHKENCOR TË MASHT

30/08/2018 Institucionet

Ministri i Arsimit, Shkencës dhe Teknologjisë, Shyqiri Bytyqi, priti në takim Këshillin Shkencor të MASHT (KSh-MASHT), me të cilët bisedoi rreth zhvillimeve aktuale, sfidat dhe punën që ata bëjnë në aspektin e realizimit të objektivave që dalin nga Plani kombëtar i shkencës, motivimi i shkencëtarëve të rinj si dhe afirmimi i të arriturave shkencore në Kosovë. Ministri Bytyqi ka falënderuar anëtarët e Këshillit Shkencor për angazhimin dhe përkushtimin e tyre profesional në zhvillimin e shkencës në Kosovë, ndërsa shprehu gatishmërinë që ti mbështesë ata në punën e mëtejme me interes kombëtar. Në këtë takim u shtrua nevoja për organizimin e një tryeze të rrumbullakët njëditore, në të cilën do të ishin të pranishëm edhe nënkëshillat shkencorë, universitetet publike dhe kolegjet private, ku do të bisedohej për mundësinë e mbështetjes së Këshillit Shkencor edhe nga ana e ekspertëve shkencorë në fusha të ndryshme, si dhe mundësitë e shkencëtarëve dhe hulumtuesve të rinj në punën kërkimore shkencore. “Tashmë janë krijuar mundësi të reja për hulumtuesit dhe shkencëtarët e rinj që të shfrytëzojnë benefitet e krijuara me anëtarësimin e MAShT (Kosovës) në COST, mundësitë që ofron projekti HORIZON 2020 etj, për të zhvilluar projektet dhe idetë e tyre inovative që mundë të kenë”, tha Ministri Bytyqi. Në këtë takim u fol edhe për nevojën e një modeli të ri të organizimit të “Javës së Shkencës” e cila tashmë është tradicionale dhe organizohet çdo vit nga MAShT.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara