Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ish-komandanti i Zonës Operative të Drenicës gjatë kohës së luftës së UÇK-së dhe kryetari aktual i komunës së Skënderajt, z. Sami Lushtaku është burgosur për shkak se sikur thuhet, kohë më parë paska penguar një person zyrtar në kryerjen e detyrës. Urdhërin për burgosje, pikërisht në prag të mbajtjes së zgjedhjeve të dhunshme të Serbisë në Kosovë, e ka dhënë një gjykatës ndërkombëtar, ndërsa këtë urdhër e ka ekzekutuar Shërbimi Policor i Kosovës, edhe pse zëdhënësi i këtij shërbimi, Veton Elshani ka deklaruar për mediet se “Sami Lushtaku nuk është arrestuar, por i është ofruar SHPK-së për ta shoqëruar deri në Burgun e Dubravës”. Se cili është dallimi mes shoqërimit nga policia apo arrestimit, këtë e dinë madje edhe fëmijët dhe kjo nuk ka pse të komentohet.
Burgosja e këtij personaliteti ushtarak dhe politik të Drenicës, është bërë në prag të mbajtjes së zgjedhjeve vendore dhe parlamentare të Serbisë në Kosovë, jo spse Sami Lushtaku do të mund të ndalonte mbajtjen e tyre, por burgosja në këtë moment është bërë për të kënaqur orekset antishqiptare të Beogradit, të cilat po i ushqen dhe po i mbështet hap pas hapi, një segment antishqiptar shumë me ndikim i administ…
