Edhe Malisheva, pjesë e programit për efiçiencë të energjisë

14/09/2018 Institucionet

Kryetari i Komunës së Malishevës, Ragip Begaj, ka pritur në një takim pune, me karakter informues, Drejtorin Ekzekutiv të Fondacionit të Mileniumit të Kosovës, Petrit Selimin, i cili ka prezantuar programin e këtij fondacioni, për efiçiencë të energjisë, projekt në të cilin përfshihet edhe Malisheva. Me këtë rast kryetari Begaj, e ka falënderuar drejtorin ekzekutiv të këtij fondacioni, Petrit Selimin, për informimin rreth programit për efiçiencë të energjisë dhe shprehi gatishmërinë e Komunës së Malishevës, për të bashkëpunuar në këtë projekt. Kryetari Begaj, po ashtu ka bërë të ditur, se Komuna e Malishevës, e ka të miratuar planin për efiçiencë të energjisë. Nga ana tjetër, drejtori ekzekutiv i Fondacionit të Mileniumit të Kosovës, Petrit Selimi, e ka informuar kryetarin Begaj, për programin për efiçiencë të energjisë, si njëra prej pengesave në zhvillimin ekonomik, si dhe për formën e realizimit të këtij programi, ndërsa përfitues do të jenë mijëra familje në tërë Kosovën, e po ashtu edhe në Malishevë. Begaj e Selimi, biseduan për bashkëpunimin mes komunës dhe fondacionit, dhe për identifikimin e rasteve, apo gjetjen e familjeve për të realizuar programin, përmes së cilit synohet të përmirësohet efiçienca e energjisë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara