U mbajt diskutimi publik mbi propozim rregulloren për palestrën sportive në Viti

17/09/2018 Institucionet

Komuna e Vitisë, konkretisht Drejtoria për Kulturë, Rini dhe Sport ka mbajtur diskutimin publik mbi propozim rregulloren e palestrës sportive. Ky objekt është duke u ndërtuar në fshatin Drobesh të Vitisë. Në këtë diskutim publik pos përfaqësuesve të DKRS-së kanë marrë pjesë përfaqësues të klubeve të ndryshme sportive të kësaj komune por edhe profesor dhe nxënës vitias. Milot Lala, Drejtor për Kulturë, Rini dhe Sport i përshëndeti të pranishmit duke kërkuar nga ta që të japin propozimet dhe vërejtjet e tyre mbi propozim rregulloren në fjalë dhe shtoj se këto komente do të ndihmojnë këtë drejtori të hartojnë një rregullore që është në interes të qytetarëve vitias. Kurse Emrush Azemi, përgjegjës i sektorit për Sport dhe Rini prezantoj propozim rregulloren në fjalë duke ju përgjigjur edhe pyetjeve të pjesëmarrësve. E pjesëmarrësit në këtë takim dhanë propozime e ndryshme si: të mos lejohet ose të caktohet një tarifë më e madhe për mbajtjen e koncerteve dhe tubimeve elektorale në hapësirat e palestrës sportive, të gjitha mjetet financiare që grumbullohen gjatë shfrytëzimit të këtij objekti të derdhën në një kod buxhetor për objektin në fjalë. Po ashtu u kërkua që gjatë përzgjedhjes së mbikëqyrësit të këtij objekti të jetë edhe një vëzhgues nga klubet sportive dhe OJQ-të vitiase si dhe disa propozime të tjera.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara