Kryetari Jashari po merr pjesë në konferencën e kryetarëve të komunave të Kosovës

19/09/2018 Institucionet

Kryetari i Komunës së Skenderajt, Bekim Jashari po merr pjesë në konferencën e parë të kryetarëve të komunave të Kosovës, rreth mbështetjes së Bashkimit Evropian lidhur me zbatimin e Ligjit të ri për Efiçiencën e Energjisë dhe krijimin e fondit për efiçiencë të energjisë në Kosovë, si një nga rezultatet kryesore të Ligjit për Efiçiencë të Energjisë, të përqendruar në sigurimin e mbështetjes financiare për zbatimin e efiçiencës së energjisë dhe zgjidhjeve për energji të ripërtërishme në komuna. Ngjarja kryesore e konferencës do të jetë inaugurimi i Kartës së Energjisë të Kryetarëve të Komunave të Kosovës si një deklaratë e angazhimit për të përmirësuar nivelin e komforit në të gjitha ndërtesat komunale duke zbatuar projekte të efiçiencës së energjisë dhe të energjisë së ripërtërishme dhe për të zvogëluar ndotjen e mjedisit në komuna, si dhe për të kursyer shpenzimet për energji. Me nënshkrimin e “Kartës së Energjisë”, kryetarët e komunave të Kosovës do të hapin rrugën për pranimin e komunave individuale në Konventën e Kryetarëve të Komunave të BE-së, gjë që hap mundësi për financim për përmirësimin e infrastrukturës komunale të energjisë. Këto gjithashtu paraqesin drejtimet e politikave të BE-së për menaxhimin e energjisë në mjedise urbane, prandaj Qyteti i Freiburg-ut, Gjermani, do të paraqesë përvojën e tyre më të mirë në gjelbërimin e qytetit. Freiburg po ashtu është nënshkrues i Konventës së Kryetarëve të Komunave të BE-së, e cila tashme bashkon 7,755 qytete në përpjekjet e tyre për të ofruar cilësi më të mirë të mjedisit për qytetarët e tyre. Në Konferencë gjithashtu do të shpallet programi i trajnimit për menaxhimin e energjisë në komuna, i cili do të zhvillohet nga Projekti i BE-së në bashkëpunim me GIZ-in, ndërsa do të zbatohet bashkë me Asociacionin e Komunave të Kosovës.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara