Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Nismës Socialdemokrate njëherësh zëvendëskryeministër në qeverinë e Kosovës, Fatmir Limaj ka përkujtuar rënien e doktor Lec Gradicës. Limaj ka shkruar se në prag të 20-vjetorit të rënies kujtojmë me pietet të lartë jetën dhe veprën e Lec Gradiciës, mjekut i cili thotë Limaj se ra heroikisht duke shëruar plagët e luftëtarëve të lirisë në malet e Qyqavicës. “Në prag të 20-vjetorit të rënies kujtojmë me pietet të lartë jetën dhe veprën e Dr. Lec Gradicës, mjekut të luftës, i cili ra heroikisht duke shëruar plagët e luftëtarëve të lirisë në malet e Qyqavicës. Doktor Lec Gradica gjatë kohës së luftës në Kosovë iu përgjigj zërit të atdheut dhe nevojës që kërkonte koha duke u angazhuar në radhët e UÇK-së, ku dha kontribut të jashtëzakonshëm në mjekimin e ushtarëve të UÇK-së dhe popullatës civile. Rrënjët e shtetit janë në gjakun e dëshmoreve dhe martirëve të këtij brezi dhe brezave të mëhershëm. I paharrueshëm qoftë kujtimi për të gjithë dëshmorët dhe martirët e kombit!”, ka shkruar Limaj.
