Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi, së bashku me kryeministrin, Ramush Haradinaj, ministrin e Punëve të Jashtme, Behxhet Pacolli si dh ambasadoren e Kosovës në Amerikë, Vlora Çitaku janë takuar me senatorin amerikan, Ron Johnson, ku kanë biseduar për rrugëtimin e Kosovës drejt lirisë, pavarësisë dhe procesit të shtet-ndërtimit.
Këtë e ka bërë të ditur presidenti Thaçi, ku ka thënë se ShBA-të do ta mbështesin Kosovën edhe në arritjen e një marrëveshjeje përfundimtare me Serbinë, në kuadër të fazës së fundit të dialogut. Sapo përfunduam një takim me mikun e Kosovës, senatorin Ron Johnson. Senatori Johnson duke i shërbyer SHBA-së, ka mbështetur rrugëtimin tonë drejt lirisë, pavarësisë dhe procesit të shtet-ndërtimit. Të njëjtën mbështetje të ShBA-së do ta kemi edhe këtyre ditëve në agjendën tonë për shtimin e njohjeve, anëtarësimin në organizata ndërkombëtare dhe arritjen e një marrëveshjeje përfundimtare me Serbinë, në kuadër të fazës së fundit të dialogut”, ka shkruar ai në profilin e tij.
