Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Kryetari i Kosovës, Hashim Thaçi, ka zhvilluar në Nju-Jork një bisedë me kryetarin e Shteteve të Bashkuara të Amerikës, Donald Trump, por edhe me zyrtarë të lartë të administratës së tij. Ai ka thënë me këtë rast “Kosova është vend i mrekullueshëm, me një popull të mrekullueshëm, që meriton të lëvizë më shpejt përpara”. Trump “e ndjen dhe e njeh problematikën e Kosovës”, ka theksuar Thaçi në një intervistë për Radiotelevizionin e Kosovës. Trump dhe zyrtarët e administratës së tij kanë shprehur “një mbështetje të fuqishme për Kosovën”, ka thënë presidenti i Kosovës. “Administrata e presidentit Trump mbështet fuqishëm Kosovën, rrugëtimin më të shpejt në NATO dhe BE”. Ajo “mbështet dialogun Kosovën-Serbi, arritjen e një marrëveshjeje historike, që nënkupton njohjen reciproke Kosovë-Serbi. Uashingtoni zyrtar konfirmoi qartë se e mbështet edhe angazhimin që kemi deklaruar, në rast të arritjes së marrëveshjes mes të Kosovës dhe Serbisë, ku mund të përfshihet demarkacioni i kufirit në mënyrë që të mbyllte urrejtjen ndër shekullore mes Kosovës dhe Serbisë, ka saktësuar kryetari i Kosovës, Hashim Thaçi gjatë takimin me kryetarin amerikan Donald Trump.
