leoni

Kryetari Jashari ka prit në takim kryetarin e Federatës së Notit të Kosovës, Ymer Rama

28/09/2018 Institucionet

Kryetari i Komunës së Skenderajt, Bekim Jashari dhe drejtori për Kulturë, Rini dhe Sport, Ramiz Shala, kanë prit në takim kryetarin e Federatës së Notit të Kosovës, Ymer Rama me bashkëpunëtorë, me të cilin kanë diskutuar për kushtet dhe mundësitë që ofron komuna e Skenderajt, sa i përket ndërtimit të një pishine gjysmë olimpike. Siç është shprehur Rama, zyrtarët e Federatës së Notit të Kosovës janë duke realizuar vizita nëpër komuna të Kosovës, me qëllim të vlerësohen kushtet që ofrojnë ato sa i përket realizimit të projektit për ndërtimin e pishinave gjysmë olimpike që do të financohen dy projekte të tilla nga Ministria e Kulturës, Rinisë dhe Sporteve, kurse në fund të vizitave, do të përzgjidhen vetëm ato 2 komuna që ofrojnë kushte më të mira. Ndërkaq, kryetari Jashari ka thënë se Komuna e Skenderajt i plotëson të gjitha kushtet për ndërtimin e një pishine gjysmë olimpike, duke shtuar se komuna ka parcelë të destinuar për kompleks sportiv ku do të mund të ndërtohej një pishinë e tillë. Kryetari Jashari ka ofruar gatishmëri të bashkëpunojë në këtë drejtim, me qëllim që njëri nga dy projektet e realizimit të pishinës, të realizohet në komunën e Skenderajt.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara