leoni

MINISTRI BYTYQI MORI PËRKRAHJEN E DEPARTAMENTIT TË SHTETIT PËR REFORMAT NË ARSIM

28/09/2018 Institucionet

Ministri i Arsimit, Shkencës dhe Teknologjisë, Shyqiri Bytyqi, është pritur  në Departamentin e Shtetit nga Janine Wynne, koordinatore për asistencë për Evropë, Euro-Azi dhe Azi Qendrore, si dhe James P. Merz, zëvendëskoordinator. Në këtë takim, u rikonfirmua mbështetja e ShBA-ve në përkrahje të zhvillimit dhe të konsolidimit të shtetit. Ministri Bytyqi ka folur për sfidat që po kalon vendi ynë në fushën e arsimit, po ashtu i ka njoftuar për qëndrueshmërinë dhe sfidat si në fushën politike, po ashtu edhe në atë ekonomike. Ministri ka shprehur mirënjohjen e thellë për mbështetjen e vazhdueshme që po na japin ShBA-të dhe ka konfirmuar dhe një herë zotimin e Kosovës për të mos e ndalur rrugëtimin euro-atlantik deri në bashkimin edhe formal me ato struktura, Bashkimin Evropian dhe NATO-n, pasi që ka theksuar se Kosova e integruar në struktura euro-atlantike prodhon stabilitet rajonal. Gjatë diskutimit për gjendjen e arsimit dhe për sistemin arsimor në Kosovë, ministri Bytyqi mori përkrahje të fuqishme për reformat më arsim. Theksi i veçantë u vu në depolitizimin e sistemit arsimor, si parakusht për të vazhduar me projekte të përbashkëta. Ministri Bytyqi e vlerësoi si shumë të rëndësishme gatishmërinë e nikoqirëve për ta ndihmuar Kosovën me projekte të përbashkëta si “Fullbrajt Penrte”, projekt për të cilin tha se është një dorë e zgjatur për të na quar në trasenë e standardeve amerikane të arsimit, gjë që rritë standardet tona. Ministri Bytyqi i falënderoi znj. Wynne dhe z. Merz për mbështetjen e vazhdueshme të ShBA-ve për Kosovën, për afërsinë dhe derën e hapur të Ambasadës së ShBA-ve në Kosovë dhe ambasadorit Delawie si porta komunikuese dhe prania amerikane tek ne, si dhe për mbështetjen e nismave në dobi të depolitizimit, të cilat janë në proces e monitorim këshillues me prani të përhershme amerikane për këshillim në dikasterin e arsimit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara