Ministri Shala nuk i lë të shkojnë dëm investimet e shtetit, funksionalizon objektet e MTI-së

09/10/2018 Institucionet

Ministri i Tregtisë dhe Industrisë, Endrit Shala ka marrë vendimin e dytë të rëndësishëm që nga fillimi i punës së tij javën e kaluar. Shala ka vendosur fillimisht Agjencinë e Metrologjisë, që është në kuadër të MTI-së, ta dislokojë në objektin e kësaj ministrie në Bërnicë të Prishtinës, më pas edhe dy agjenci të tjera,- të Standardizimit dhe të Akreditimit. Me këtë rast ministri ka thënë se do ketë një qendër moderne të cilësisë në Republikën e Kosovës. Shala po ashtu e ka vizituar objektin e kësaj ministrie në Bërnicë të Prishtinës bashkë me ekipin e tij të këshilltarëve dhe kryeshefat e Agjencive të Metrologjisë, të Standardizimit dhe të Akreditimit. Ministri Shala tha se do të marrë vendim menjëherë që këto tri agjenci të dislokohen në këtë objekt, duke shtuar se gjendja e tij nuk do të vazhdojë më kështu. “Qeveria e Kosovës ka investuar afër 2 milionë euro dhe fatkeqësisht ka mbetur në këtë gjendje jo të mirë. Për shkak të mos kujdesit ka ardhur duke u dëmtuar çdo ditë e më shumë. Unë sot kam marrë vendim ta dislokojë këtu Agjencinë e Metrologjisë. Banka Botërore e ka përkrahur me një fond MTI-në, që ta adaptojë dhe funskionalizojë këtë objekt. Po ashtu e kam si ide ta bëj edhe dislokimin e Agjencisë së Standardizimit dhe Akreditimit në këtë objekt dhe këtë investim të qytetarëve tonë ta bëjmë të shfrytëzueshëm”, ka thënë Shala. Ministri Shala ka thënë se më nuk do të ketë kësi lëshimesh që të mbeten investimet në mëshirën e fatit. “Jam shumë i vendosur që t’i çoj përpara proceset dhe mos të lejojmë kësi investimesh milionëshe të mbesin në mëshirën e fatit. Kjo nuk do të tolerohet më. Këto objekte do të menaxhohen seriozisht dhe denjësisht, si e meritojnë institucionet shtetërore të trajtohen dhe mirëmbahen”, ka thënë Shala. Ministri Shala e ka marrë detyrën javën e kaluar dhe qysh javën e parë të punës ka marrë vendim që ta bëjë Kosovën me Tregues Gjeografie, që do të ndikojë në rritjen e besimit të produkteve vendore.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara