Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Ministri i Punës dhe Mirëqenies Sociale Skender Reçica, ka thënë se Nisma Socialdemokrate në rrugëtimin e saj politik është duke u rritur në çdo cep të Kosovës. “Nisma Socialdemokrate në rrugëtimin e saj politik është duke u rritur në çdo cep të Kosovës. Falë punës, angazhimit të madh dhe mbajtjes së fjalës së dhënë, të prirë nga Kryetari i partisë z.Limaj dhe kryetari i Këshillit Kombëtar z.Krasniqi, zëri Socialdemokrat po dëgjohet në të gjitha shtresat e popullatës. Në takimin e përbashkët të strukturave drejtuese të degëve të Regjionit të Prishtinës, dega e Lipjanit, Shtimes, Fushë Kosovës, Obiliqit dhe ajo Podujevës, rikonfirmuam bashkërisht gatishmërinë e vazhdimit të rrugëtimit tonë të pandalshëm drejt rritjes së NISMA’s dhe shtrirjes së idesë socialdemokrate”, ka shkruar Reçica. Ai më tej theksoi se filozofia e përbashkët politike i bashkon njerëzit që t’i japin vendit dhe qytetarëve një të ardhme të ndritur, qeverisje të mirë, përmirësim të kushteve jetësore e mirëqenie sociale, shkollim e arsim më të mirë, shërbime më cilësore shëndetësore. “Nisma Socialdemokrate po tregon se kjo është filozofia politike më e mirë për vendin dhe duhet të shërbej si model për të gjithë. Ne funksionojmë si një familje!”, është shprehur ai.
