MINISTRI BYTYQI MORI PJESË NË PREZANTIMIN E PUBLIKIMIT “ANALIZA E MENAXHIMIT TË FINANCAVE PËR PAGAT E STAFIT AKADEMIK NË UP”

25/10/2018 Institucionet

Ministri i Arsimit, Shkencës dhe Teknologjisë, Shyqiri Bytyqi, ka marrë pjesë në prezantimin e publikimit të Organizatës për Rritjen e Cilësisë në Arsim (ORCA), me titull “Analiza e menaxhimit të financave për pagat e stafit akademik në Universitetin e Prishtinës”. Ky publikim prezanton të dhëna lidhur me normat, mbinormat, stafin akademik me kontratë të rregullt pune, bashkëpunëtorët e jashtëm, si dhe analizë për përdorimin e mjeteve financiare për stafin akademik të Universitetit të Prishtinës.  Ministri Bytyqi theksoi se të gjitha këto informacione dhe analiza duhet të na shërbejnë në drejtim të asaj se të gjitha këto institucione të rëndësishme kanë nevojë të përmirësohen dhe t’i shfrytëzojnë si informacione për ta ndryshuar gjendjen brenda institucionit. “Tani po flasim për Universitetin e Prishtinës, por besoj se edhe universitetet tjera dhe kolegjet kanë nevojë për ndryshime dhe përmirësime”, tha ministri Bytyqi. Më pas, Ministri u ndal në disa analiza që janë bërë dhe, ndër të tjera tha se, norma që i është caktuar mësimdhënësit prej 6 orë në javë, e ka kuptimin e asaj që 6 orë duhet të jenë mësimdhënie dhe të tjerat hulumtim dhe shkencë. “Secili person në pozitën që ka, në pozitën që e merr, duhet të mendojë për më të mirën e institucionit”, tha Ministri dhe theksoi se për këtë kanë obligim të gjithë personat që kanë pozita përgjegjëse që të gjejnë alternativa në të mirën e zhvillimit të Universitetit. Ne si Ministri, tha ministri Bytyqi, në çdo takim që kemi pasur me udhëheqës të Universitetit të Prishtinës, kemi shprehur gatishmëri për ta mbështetur këtë Universitet në çdo iniciativë që ka të bëjë me zhvillimin e tij dhe ngritjen e cilësisë.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara