Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Komisioni Parlamentar për Punë të Brendshme, Siguri dhe Mbikëqyrje të FSK-së zhvilloi takim me udhëheqësit në Ministrinë e FSK-së Ministri i Ministrisë për Forcën e Sigurisë së Kosovës z. Rrustem Berisha dhe Komandanti i FSK-së, gjenerallejtënant Rrahman Rama, pritën sot në ministri deputetët e Kuvendit të Kosovës, anëtarë të Komisionit Parlamentar për Punë të Brendshme, Siguri dhe Mbikëqyrje të FSK-së, në krye me deputetin z. Haxhi Shala, kryetar i Komisionit. Në takimin e përbashkët të deputetëve të Komisionit të Parlamentit të Kosovës dhe krerëve të Ministrisë dhe FSK-së ishin të pranishëm edhe drejtori dhe zëvendës drejtori i Ekipit Këshillues dhe Ndërlidhës të NATO-s për MFSK dhe FSK. Fillimisht ministri Berisha falënderoi të gjithë deputetët pa dallime partiake, për përkrahjen dhe votimin që i kanë bërë në parlament leximit të parë të pakos së projektligjeve për FSK-në dhe Ministrinë e Mbrojtjes.
Në këtë takim informues u bënë prezantime më të hollësishme për pikat konkrete se ku do të ketë ndryshime thelbësore si dhe u prezantuan fazat e zhvillimit dhe ngritjes së kapaciteteve të FSK-së me mision të ri.
Nga deputetët u parashtruan pyetje të ndryshme dhe me interes në të cilat dhanë shpjegimet e tyre ministri, komandanti i FSK-së dhe specialistët e fushës. Deputetët shprehën falënderimin për mundësinë e dhënë që për pika të ndryshme të projektligjeve të diskutohet konkretisht dhe nga afër.
