Në Deçan u mbajt takimi rajonal i Këshillave te Prindërve te Kosovës

31/10/2018 Institucionet

Në komunën e Deçanit u mbajt takimi rajonal i Këshillave te Prindërve te Kosovës, ku morën pjesë përfaqësues të komunave nga rajoni i Pejës: Klina, Istogu, Deçani dh Juniku. Takimi u organizua nga Këshilli i Prindërve te Kosovës i përkrahur nga GIZ –i Gjerman dhe komuna e Deçanit, e në veçanti  Drejtoria Komunale e Arsimit. Fillimisht takimin e hapi kryetari i Këshillit të Prindërve të rajonit të Pejës Prof.Mr. Burim Bruqaj, ku përshëndeti të pranishmit me një fjalë rasti , si dhe i njoftoj pjesëmarrësit më qëllimin e takimit. Drejtori i Arsimit të Deçanit, Qazim Maloku, në emër te institucionit komunal dhe kryetarit te komunës Bashkim Ramosaj përshëndeti të pranishmit, duke i informuar për bashkëpunimin reciprok në mes të Këshillit te Prindërve dhe DKA-së. Kryetari i Këshillit të prindërve të Kosovës  Ymret Reshiti, me anë të një prezantimi e tregoj rolin dhe rendësin e Këshillave te Prindërve, dukë i  informuar të pranishmit për zhvillimet e fundit dhe aktivitetet e Këshillit të Prindërve, njëherit  kërkoj të thellohet bashkëpunimi Shkollë-DKA-MAShT. Ndërsa zyrtari i arsimit Prof. Zeqë Malaj, kërkoj nga kryetari i Këshillit të Prindërve të Kosovës, që të ngrit zërin ne institucionet më të larta të shtetit për nxënësit e klasave të para, që të ju lehtësohet bartja e teksteve shkollore nga shtëpia në shkollë duke i reduktuar këto tekste, sepse çdo nxënës minimum mban në supet e tyre 10 kg peshë nga shkolla ne shtëpi dhe anasjelltas. Po ashtu njoftoj të pranishmit rreth ecurisë së testit të Arritshmerisë, Maturës, dhe Testit PISA! Takimi u përmbyll me diskutime nga pjesëmarrësit.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara