Politikat e MBPZHR-së në harmoni me politikat e përbashkëta bujqësore të BE-së

31/10/2018 Institucionet

Objektivi kryesor i politikave të Ministrisë së Bujqësisë, Pylltarisë dhe Zhvillimit Rural është zhvillimi i bujqësisë sipas modelit evropian, një bujqësi e qëndrueshme dhe konkurruese. Krahas kësaj, MBPZHR-ja përmes investimeve të saj, synon ngritjen e kapaciteteve të fermerëve dhe agrobizneseve vendore, me qëllim që prodhimet të arrijnë të plotësojnë standardet evropiane dhe të depërtojnë në tregjet e BE-së. Kështu është shprehur zëvendësministri i MBPZHR-së, Mevludin Krasniqi, në konferencën “MSA, sfidat dhe problemet që ballafaqohen prodhuesit vendor”, të organizuar nga Iniciativa për Zhvillimin e Bujqësisë(IADK). Me këtë rast, zëvendësministri Krasniqi, ka thënë se mbështetja e ministrisë dhe partnerëve ndërkombëtarë për bujqësinë kosovare, ka sjellë produktivitet të lartë në sektorin e bujqësisë e bashkë me këtë edhe rritjen e cilësisë së prodhimeve. “Në harmoni me politikat e përbashkëta bujqësore të BE-së, si dhe me legjislacionin në fuqi, MBPZHR-ja ka shënuar progres në këtë sektor dhe kemi bërë reforma strukturore që janë në përputhje me normat dhe standardet e BE-së. Po ashtu, angazhimin tonë jemi duke  e vazhduar çdo ditë në mbështetje të bujqve, fermerëve dhe prodhuesve vendor për t’ua lehtësuar sfidat me të cilat ballafaqohen ata. Madje, investimet dhe përkrahja institucionale po shkon në ngritjen e cilësisë së produkteve, gjë që është garancë që edhe produktet “Made in Kosova” të depërtojnë edhe në tregun rajonal dhe evropian”, ka thënë Krasniqi, duke shtuar se edhe eksporti i produkteve bujqësore në tregjet e huaja ka shënuar rritje nga viti në vit. Ndryshe, gjatë kësaj konference, përfaqësuesit e IADK-së kanë prezantuar edhe sfidat me të cilat ballafaqohen fermerët, agrobizneset në punën e tyre e të cilat janë të ndërlidhura me MSA.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara