Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Në përkujdesjen e Kryeministrit të Republikës së Kosovës, Ramush Haradinaj është mbajtur Akademia përkujtimore kushtuar dëshmorëve të kombit Xhelal Hajda, Selajdin Mullabazi, Hamdi Hajrizi, Bektesh Haliti dhe Nezir Ymeri. Në fjalën e tij kryetari i Kuvendit të Kosovës, Kadri Veseli e çmoi lartë jetën dhe veprën e pesë heronjve që u përkujtuan sot. Ai tha se këta zgjodhën altarin e lirisë dhe nuk e lanë për asnjë moment njeri tjetrin por shkuan së bashku në përjetësi. Ndërsa kryeministri Haradinaj tha se është e vështirë që për pak minuta të përshkruhet jeta dhe sakrifica e tyre. Lufta jonë për liri ka kërkuar shumë mund, sakrifica por edhe gjak. Në atë kohë pozicionet tona në Rahavec, këta dëshmorë donin t’i rikthenin në pozicione luftarake. Dëshmorët e kombit e ëndërruan Kosovën e lirë ndryshe, tha ai. Në emër të bashkëluftëtarëve të Zonës Operative të Pashtrakut foli kryetari i komunës se Rahavecit Smajl Latifi i cili i përshkroi betejat e UÇK-së. 20 vjet me parë trimat tanë u ndeshen me forcat kriminele armike. Ata vetëdijshëm hynë në luftë, Toni e Mici donin që pasardhësit e tyre të rritën të lirë e në Kosovën e pavarur. Humbja ishte e madhe por kombi fitoi. Nga Zona Operative e Shalës, Safet Hasani theksoi se çdo nëntor më kujtohet Opterusha, lufta e saj e cila i mori më të mirët. Ata luftuan në Drenicë, Shalë e Artakoll, tha ai. Në emër të familjeve të dëshmorëve të pranishmëve iu drejtua Ermal Mullabazi, djali i dëshmorit Selajdin Mullabazi, i cili tha se jam krenar qe jam djalë dëshmori. Ne 20 vjetorin e rënies kujtojmë me pietet këta dëshmorë që ranë. Pa gjakun e tyre ne sot nuk do të ishim këtu, u shpreh ai. Pastaj Akademia ka vazhduar me pjesën artistike.
