Vitia pjesë e Forumit Ndërkombëtar të Moblitetitit të Qëndrueshëm

16/11/2018 Institucionet

Në Annemasse të Francës, është mbajtur Forumi Ndërkombëtar i Moblitetit të Qëndrueshëm 2030. Në këtë forum që është organizuar nën patronatin e OKB-së krahas delegacioneve të shumta nga shtetet e ndryshme të botës, morën pjesë edhe delegacionet nga Republikat e Kosovës dhe ajo e Shqipërisë. Qëllimi i këtij forumi ishte diskutimi i mundësive për një moblitetet të qëndrueshëm dhe për ndërtimin e urave të bashkëpunimit mes njerëzve. Delegacioni i Kosovës në përbërje Sokol Haliti, kryetar i Vitisë, Taulant Balaj menaxher i resurseve njerëzore në kuadër të MKRS-së, si dhe përfaqësuesit e drejtorive për urbanizëm dhe asaj për arsim të komunës së Istogut, krahas pjesëmarrjes në punimet e forumit, realizuan edhe takime të shumta me personalitete të ndryshme të shtetit të Francës si dhe komunave të ndryshme të komunave të Francës , Zvicrës, Meksikës etj. Kryetari i Vitisë, Sokol Haliti në një bashkëbisedim që pati me ambasadorin e Francës në OKB, Francois Rivassrau, e ka njoftuar atë me karakteristikat e komunës së Vitisë dhe kahet e zhvillimit të kësaj komune. Kurse ambasadori Rivassrau, pasi ka theksuar se ka pas rastin dy herë ta vizitoi Kosovën ka thënë se pjesëmarrja e delegacionit të Kosovës në këto aktivitete ka rëndësi pasi ndihmon në zhvillimin e komunave të Kosovës. “Shpresoi se Kosova krahas zhvillimit shumë shpejt do të jetë edhe pjesë e proceseve të integrimeve evropiane”, ka thënë ambasadori Rivassrau. Delegacioni I Kosovës në takimet që kishte me drejtues të komunave të ndryshme kanë diskutuar mundësitë e bashkëpunimit mesë komunave të Kosovës dhe Francës, Zvicrës, Meksikës, Marokut etj. Ky aktivitet I delegacioneve nga Kosova dhe Shqipëria u mundësua nga Shoqata e Miqësisë Franko –Shqiptare dhe presidenti I saj Tahir Shabani. “Si shoqatë në vazhdimësi po angazhohemi që të lobojmë për çështjen e Kosovës në gjithë mekanizmat ndërkombëtar dhe në këtë drejtim është realizuar edhe kjo vizitë në mënyrë që edhe Kosova të jetë shtet i barabartë me vendet e ndryshme të botës” ka thënë Shabani. Kurse kryetari i këshillit bashkiak të Shkodrës Xhemail Bushati, është shprehur se ngjarjet e tilla mund të shërbejnë si një përvojë e mirë e Shqipërisë dhe Kosovës për të ndërtuar një bashkëpunim edhe më të ngushtë mes veti dhe me vende tjera.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara