Kryetari Latifi dhe Koordinatori Nacional për Kulturë, Rini dhe Sport, Rexhep Hoti nënshkruajnë marrëveshje bashkëpunimi për “Programin Nacional për Rininë”

26/11/2018 Institucionet

Kryetari i komunës së Rahovecit, Smajl Latifi, i shoqëruar nga Avni Morina, drejtor i Drejtorisë Komunale të Arsimit, kanë pritur në takim Koordinatorin Nacional për Kulturë, Rini dhe Sport në Qeverinë e Kosovës, Rexhep Hoti dhe Azem Guri zv.Ministër i Arsimit. Gjatë takimit është nënshkruar marrëveshja e bashkëpunimi për “Programin Nacional për Rininë”. Kryetari Latifi është shprehur se komuna që ai udhëheq është e gatshme të realizojë Programin Nacional për Rininë. “Jemi të gatshëm të implementojmë çdo program që është i nivelit të lartë shtetëror si dhe që është në të mirë të rinisë. Bashkë me Drejtorinë Komunale të Arsimit do të bashkëpunojmë me Koordinatorin Nacional për Kulturë, Rini dhe Sport për të implementuar Programin Nacional për Rininë”, tha ndër të tjera Latifi. Koordinatori Nacional për Kulturë, Rini dhe Sport vlerësoi lartë gatishmërinë për bashkëpunim të kryetarit Latifi për realizimin e Programin Nacional për Rininë dhe e falënderoi atë për mbështetjen e ofruar. “Programi Nacional për Rininë është hartuar për të gjithë nxënësit e Republikës së Kosovës të nivelit fillorë, të mesëm të ulët dhe të mesëm të lartë. Në kuadër të këtij programi do të organizohen gara në tri fusha kryesore: dituri, kreativitet kulturor dhe mendim kritik si dhe në sport. Për të tria fushat janë përgatitur udhëzuesit për rrjedhën e garës. Roli i komunës në realizimin e këtij programi është i rëndësishëm prandaj ju falënderoj për mbështetje”, tha Koordinatori Hoti.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara