Radio Kosova e Lirë Radio-Kosova e Lirë, Radio e luftës çlirimtare, paqes dhe bashkimit kombëtar, Zëri i lirisë, besnikja e pavarësisë dhe e bashkimit të shqiptarëve.
Tema të tjera...
Me rastin e Festës së Flamurit, 28 Nëntorit, për nder të këtyre dy burrave (Tahir Hoxha dhe Beqir Balla ) që nderuan Çermenikën, nderuan Shqipërinë, në fshatin Zajdresh u zhvillua një ceremoni festive ku morën pjesë shumë personalitete të pushtettit vendor dhe atij qëndror. Një ceremoni me përmasa të mëdha që ndodhin rrallë në fshatrat rurale të Shqipërisë. U desh kjo datë, u desh kjo ditë historike që dhe Çermenika të përkujtonte heronjtë e vetë. Në këtë ceremoni festive morën pjesë perfekti i qarkut të Elbasanit zoti Maksim Malaj, politikani, historiani dhe arkeologu i njohur Neritan Ceka (me bashkëshorten e tij), kryetarja e Organizatës së Dëshmorëve të qarkut të Elbasanit zonja Xhuljeta Graceni, historiania dhe ish-mësuesja e shkollës në Zdrajsh, Luli Hoxha, poeti i njohur “Mjeshtri i Madh” Jorgo Papingji, aktori i mirënjohur Strugan me banim në Amerikë, Pajazit Murtishi, kryesia e Shoqatës Atdhetare Çermenika, poeti Ferit Balla, kryetari i Shoqatës Çermenika për rrethin e Elbasanit, Gani Gjakola, e shumë personalitete të tjera.
Një nga surpizat e aktivitetit ishte grupi i valleve të shkollës 9-vjeçare të Zajdrezhit nën drejtimin e drejtoreshës së shkollës znj. Anida Roci-Alhysa. Vallja e tyre plot elegancë, veshjet popullore të krahinës sollën një atmosferë të bukur. Pas tyre një grup tjetër i valleve, konkretisht grupi i valltarëve të shkollës së Orenjës nën drejtimin e drejtorit të shkollës z. Flamur Mana. Këto dy valle karakteristike të zonës përcollën një pranverë ngjyrash në prag hyrjen e dimrit. Një ndihmesë në këtë organizim pati administratori i komunës Orenjë. Z. Gentian Luka.
Gjithë aktiviteti ishte ideuar për të shafqur para të pranishmëve një atmosferë feste siç i takon Ditës së Flamurit. Moderatorja dhe prezantuesja e njohur, ikona e tv Shqiptar, Silvana Braçe bashkë me këngëtarët Hysni dhe Afërdita Hoxha i dhanë freski dhe ngjyrë artistike këtij programi. Harmonia e fjalëve të prezantueses Braçe, me këngët e duetit Hoxha, sollën një reagim shpirtëror të paimagjinuar ku të gjithë të pranishmit filluan të këndojnë së bashku me ta. Dhe pse dita ishte e ftohtë pjesëmarrja ishte jashtë parashikimeve. Kjo tregon se Çermenika, kjo krahinë patriotike me plot virtyte di ti nderoj heronjtë dhe ata që kanë dhënë jetën për lirinë e atdheut. Të gjithë diskutantët theksuan se me figura të tilla si atdhetarët Tahir Hoxha e Beqir Balla krenohet jo vetëm Çermanika por e gjithë Shqiëpria. Kjo është Çermenika e ashpër që di ti kujtoj me respekt dhe madhështi bijtë e saj dëshmorë. (Albert Zholi)
