Zëvendësministrja e MTI-së, Arbëreshë Krasniqi apelon për konsumim të sa më shumë produkteve vendore

03/12/2018 Institucionet

Në kuadër të promovimit të produkteve dhe bizneseve vendore, të fushatës “Javët e Biznesit Kosovar 2018”, me moton “Unë konsumoj produkte vendore, Po Ju?”, të organizuar nga Aleanca Kosovare e Bizneseve, mori pjesë zëvendësministrja e Tregtisë dhe Industrisë, Arbëreshë Krasniqi. Në këtë ngjarje po marrin pjesë prodhues të ndryshëm vendës duke promovuar prodhimet e tyre para qytetarëve të Prizrenit në “Viva Fresh Store”. Zëvendësministrja e MTI-së Arbëreshë Krasniqi, me këtë rast, potencoi se pas masave të ndërmarra nga Ministria e Tregtisë dhe Industrisë (MTI) dhe institucionet e Kosovës ndaj produkteve serbe dhe boshnjake me taksën 100 për qind, prodhimeve vendore iu ka ardhur koha që të konsumohen nga të gjithë. Për këtë, zëvendësministrja Krasniqi iu bëri thirrje prodhueseve vendorë që të rrisin cilësinë e produkteve në mënyrë që edhe institucionet do t’i përkrahin. Sipas zv/ministres Arbëreshë Krasniqi, Ministria e Tregtisë dhe Industrisë po vazhdon t’i përkrahë fuqishëm prodhimet vendore dhe në këtë mënyrë do të kontribuojmë në forcimin e secilit biznes vendor, në mënyrë që tregu ynë të plotësojë nevojat e konsumatorit kosovar. Ajo edhe njëherë iu kërkoi qytetarëve që të konsumojnë prodhimet vendore dhe festat e fund vitit t’i festojnë me sa më shumë prodhime vendore.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara