Përurohet pika e parë e stacionit model të autobusëve në Skenderaj

04/12/2018 Institucionet

Kryetari i Komunës së Skenderajt, Bekim Jashari, kryesuesja e Kuvendit Komunal, Fatbardha Haliti, drejtori për Shërbime Publike, Ibush Hetemi, pronar i Firmës “Shkumbini – AG”, nga Deqani, Nexhat Ramë Mulaj, menaxheri Sevdai Radogoshi dhe drejtori i firmës Samir Osmanaj, kanë përuruar pikën e parë të stacionit model të autobusëve në qytetin e Skenderajt, i cili gjendet afër Çerdhes së Fëmijëve “Nëna Zahide”. Kryetari Jashari ka thënë se ky stacion është dhuratë nga firma në fjalë, dhe ka shtuar se qytetarët gjegjësisht udhëtarët, me përurimin e këtij projekti, do të kenë kushte më të mira ndërkohë janë duke pritur për transportin publik. Sipas kryetarit Jashari, Komuna e Skenderajt do të shtojë edhe pika të tjera të tilla nëpër bashkësi lokale dhe fshatra, kudo që ka numër të madh të udhëtarëve në pritje të autobusëve dhe mjeteve tjera të transportit publik. Ndërkaq, menaxheri i Firmës “Shkumbini – AG”, Radogoshi ka thënë se është zgjedhur Skenderaj për këtë projekt, sepse nga këtu ka nisur gjithçka, lufta dhe liria e Kosovës. Kjo pikë stacioni, që nuk do të jetë e vetme në Skenderaj, është dhuratë nga Firma “Shkumbini – AG”, ndërkohë që kryetari Jashari ka premtuar se Komuna do të shtojë edhe pika tjera të tilla nëpër vende të ndryshme brenda territorit të komunës, aty ku ka numër më të madh të udhëtarëve që presin.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara