Familja Hazrolli nga Banja, i bëri me shtëpi dy familje

06/12/2018 Institucionet

Dy familje janë bërë me shtëpi, falë humanitetit të familjes së Ali Hazrollit nga Banja e Komunës së Malishevës. Në ceremoninë e dhënies së çelësave të shtëpive për familjet e Mefail Kastratit nga Maxharra dhe të Amrush Zogajt nga Lladroci, mori pjesë edhe kryetari i Komunës së Malishevës, Ragip Begaj, i cili i ka falënderuar familjen Hazrolli dhe dy përfituesit i ka uruar për shtëpitë e tyre. Në këtë ceremoni mori pjesë edhe anëtari i familjes Hazrolli, Gjeneral Major Gëzim Hazrolli, i cili edhe i ftoi të tjerët që kanë mundësi të jenë solidarë me familjet në nevojë. “Ju jemi shumë mirënjohës kësaj familje, e cila krahas kontributit në luftë, edhe sot po vazhdon të kontribuoj me këtë formë të ndihmës për familjet në nevojë. Po ashtu falënderoj edhe mërgimtarët tanë, siç është Burim Hazrolli, që ka marrë këtë iniciativë që të ndërtoj këto dy shtëpi. Zoti i shpërbleftë të gjithë ata që kanë mundësi ti ndihmojnë këto familje”, tha mes tjerash kryetari Begaj, me rastin e dhënies së çelësave të shtëpive për këto dy familje. Ndërsa Gjeneral Major, Gëzim Hazrolli, tha se “është ndjenjë e veçantë kur ke mundësi ta ndihmosh një familje në nevojë, si familja Kastrati, apo edhe të një veterani siç është familja e veteranit Amrush Zogaj. Mendoj se secili që ka mundësi, duhet të ndajë nga pak nga të mirat materiale dhe ti ndihmojmë ata që kanë nevojë, pasi e kemi obligim që t’iu ofrojmë pak ngrohtësi. Shteti nuk ka mundësi që ti ndihmoj të gjitha rastet, por duhet të jemi solidar të gjithë dhe me bashkimin e forcave, çdo familje mund të ndihet mirë”. Përndryshe, familje Hazrolli nga Banja e Malishevës, kohë më parë ka filluar këtë iniciativë për ndërtimin e dy shtëpive për familjet në nevojë dhe sot, pasi e kanë përfunduar ndërtimin dhe mobilimin e shtëpive, ju kanë dorëzuar çelësat dy familjeve përfituese.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara