Inspektorati i Ferizajt nis kontrollin e peshoreve në furra, dyshohet për mashtrim me sasinë e bukës

06/12/2018 Institucionet

Aktiviteti i Inspektoratit Komunal, pas fuqizimit dhe mbështetjes së pa rezervë nga ana e Kryetarit të Komunës së Ferizajt, Agim Aliu, po regjistron suksese të reja në mbrojtje të shëndetit publik. Kësaj radhe, një aksion i rrallë është zhvilluar për të kontrolluar balancimin, drejtshmërinë e peshoreve në furrat e bukës që operojnë në territorin e Ferizajt, me qëllim që të shmanget keqpërdorimi eventual në sasi produkti, përkatësisht mashtrim me masën e shprehur në gram të bukëve që shiten nga këto furra, pas ndryshimeve të fundit në tregun e shitjes së bukës në disa qendra të Kosovës. Këto ndryshime kanë nxitur këtë iniciativë të Inspektoratit Komunal që ka rezultuar me kontrollimin e 11 furrave, me ç ‘rast për disa nga to u shqiptuan gjoba për shkakun e mungesës së dokumentacionit, gjegjësisht certifikatës së kalibrimit të peshores. Ky aksion i motivuar nga parimi i mbrojtjes së shëndetit publik u realizua nga inspektorët e tregut dhe sanitar në kuadër të Inspektoratit Komunal. Si të tillë, këtij aksioni i kanë paraprirë denoncimet e qytetarëve për keqpërdorime, përkatësisht mashtrim me sasinë/masën e bukës që shitet në disa prej furrave në Ferizaj, pas ndryshimeve të fundit të çmimit në disa qendra. Madje, në raportimet që janë bërë pranë Inspektoratit Komunal, qytetarët janë ankuar se furrtarët po ulin sasinë e produktit, duke mashtruar përmes peshoreve të pa verifikuara deri më tani. Vendosmëria e të parit të Ferizajt, Agim Aliu përmes levës kryesore të kontrollit shtetëror, Inspektoratit Komunal ka bërë që të pastrohet tregu nga produktet e dyshimta, të pasigurta e jo të shëndetshme, si dhe të rritet përgjegjshmëria e bizneseve ndaj konsumatorëve. Edhe ky hap, ka tendencën që produktin që ofrohet të jetë brenda peshës dhe parametrave të tjerë të kërkuar.

Kontrolloni gjithashtu

Kuvendi komunal i Rahovecit mbajti mbledhjen e rregullt të njëmbëdhjetën për këtë vit kalendarik

Udhëhequr nga Kryesuesi – Arbër Zenuni, u mbajt seanca e muajit nëntor, e njëmbëdhjeta e …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara