MINISTRI BYTYQI, AMBASADORI I GJERMANISË DHE PËRFAQËSUESI I GIZ-IT U PRITËN NË TAKIM NGA KRYEMINISTRI HARADINAJ

07/12/2018 Institucionet

Ministri i Arsimit, Shkencës dhe Teknologjisë, Shyqiri Bytyqi, ambasadori i Gjermanisë në Kosovë, Kristian Heldt, si dhe udhëheqësi i projektit CDBE të GIZ-it, Boris Scharlowski, u pritën sot në takim nga kryeministri i Kosovës, Ramush Haradinaj. Në këtë takim u bisedua për zhvillimet në arsim, prioritetet në këtë sektor, si dhe bashkëpunimi me GIZ –in në realizimin e objektivave. U theksua nevoja e angazhimit permanent të të gjithë faktorëve në përmirësimin e arsimit, rëndësinë e krijimit të shkollave kampione sipas modelit gjerman, menaxhimi i shkollave, gjithëpërfshirja dhe përmirësimi i rolit të mentorëve, me qëllim që të kemi një diplomë të konkurrueshme me shtetet e BE-së. Kryeministri Haradinaj dhe ministri Bytyqi kanë falënderuar Boris Scharlowski për kontributin e organizatës GIZ në ngritjen e cilësisë së arsimit në vend dhe theksuan se  arsimi në Kosovë mbetet një nga prioritetet kryesore të Qeverisë. Ndërsa, ministri Bytyqi theksoi se në bashkëpunim të ngushtë dhe mbështetje të GIZ-it, po realizohet një pjesë e mirë e agjendës sonë për arsimin parauniversitar. Në këtë takim u fol edhe për rritjen e buxhetit për 12 për qind për vitin 2019, si hap i parë në përmirësimin e arsimit në vend. Gjatë takimit, gjithashtu u fol edhe për nevojën e angazhimit maksimal për zhvillimin e arsimit dhe aftësimit profesional dual (ndërlidhja e mësimit teorik me atë praktik), sipas modeleve dhe praktikave gjermane dhe të vendeve tjera evropiane, ndërsa u theksua se ka dëshmi se po punohet intensivisht në ngritjen e cilësisë.

Kontrolloni gjithashtu

Dea Shabani shkruan historinë për notin ferizajas

Anëtarja e Klubit të Notit “FERIZAJ”, Dea Shabani ka shkruar historinë për notin ferizajas në …

Radio Kosova e Lirë 94.2 FM
Kjo web faqe mirëmbahet nga Radio Kosova e Lirë. Materialet dhe informacionet të cilat janë pronë e radios Kosova e Lirë dhe redaksisë “Dëshmorët e UÇK-së” nuk mund të kopjohen, të shtypen, ose të përdoren në çfarëdo forme tjetër për qëllime përfitimi. Radio Kosova e Lirë mban të drejtat e rezervuara sipas dispozitave ligjore për të drejtat e autorit dhe pronës intelektuale. © Copyright 2005 - 2024, Të gjitha të drejtat e rezervuara